Այսօր ՝ 13․02․ 2023 թ․_ին այցելեցինք կենտրոնական բանկ ընկեր Հեղինեի և ընկեր Ելենայի հետ։ Նախ սկզբում ուզում եմ մի քիչ պատմել կենտրոնական բանկի մասին, որպեսզի հասկանաք մեր այցի նպատակը։
Ֆինանսական համակարգը կարգավորող և վերահսկող կառույցը Հայաստանի Հանրապետության կենտրոնական բանկն է: Կենտրանական բանկը պետական անկախ կառավարման կառույց է, որի գործունեության հիմնական նպատակը Հայաստանի տարածքում գների կայունության ապահովումն է:
Իր հիմնական նպատակն իրագործելիս Կենտրոնական բանկը մշակում, հաuտատում և իրականացնում է դրամավարկային քաղաքականության ծրագրեր:
Կենտրոնական բանկի խնդիրներից են նաև.
Ֆինանսական համակարգի կայունության և բնականոն գործունեության, այդ թվում՝ ՀՀ բանկային համակարգի կայունության, իրացվելիության, վճարունակության և բնականոն գործունեության համար անհրաժեշտ պայմանների ապահովումը:
Ֆինանսական համակարգում սպառողների իրավունքների և օրինական շահերի պաշտպանության համար անհրաժեշտ պայմանների ապահովումը:
Գործուն վճարահաշվարկային համակարգի ստեղծումն ու զարգացումը:
ՀՀ արժույթի թողարկումը, դրամաշրջանառության կազմակերպումը և կարգավորումը:
Փողերի լվացման և ահաբեկչության ֆինանսավորման դեմ պայքարի կազմակերպումն ու կարգավորումը:
Արժեթղթերում ներդրողների պաշտպանության, շուկայում արժեթղթերի արդար գնագոյացման համակարգի ձևավորման ու պահպանման, արժեթղթերի արդար, թափանցիկ և վստահելի շուկայի կանոնակարգված և բնականոն գործունեության ու զարգացման համար անհրաժեշտ պայմանների ապահովումը։
Մեր օրը ՀՀ_ ան կենտրոնական բանկում։
Սկզբում մենք ծանոթացանք Աստղիկի հետ, ով մեզ պատմեց կենտրոնական բանկի ողջ պատմության և գործունեության մասին։ Ծանոթացանք տարբեր ժամանակների մետաղադրամների, թղթադրամների, հուշադրամների հետ։ Աստղիկը մեզ սովորեցրեց թե ինչպես տարբերել կեղծ և իրական թղթադրամները, պատմեց, թե որտեղից են բանկերը գնում գումար, ինչպես են քաղաքացիները ստանում վարկ, ներդնում ավանդ և այլն։ Ներկայացրեց նաև հին ժամանակների մետաղադրամները, թե որտեղ են հատվել, ում օրոք և որ արքայատոհմի կողմից։ Սրահներում շրջելուց հետո ունեցանք քննարկում, ստացանք մեզ հետաքրքրող հարցերի պատասխանները, դիտեցինք հետաքրքրիր մուլտֆիլմ և ստացանք բավականին շատ գիտելիքներ կենտրոնական բանկի և նրա կատարող գործունեության մասին։